Por, sikur të mos kesh zgjidhje tjetër përveçse të shesësh për arsye të ndryshme? Është më se e mundur që të shesësh një shtëpi në mes të një krize shëndetësore dhe financiare, por do të duhet ta bësh këtë në mënyrë strategjike. Këtu janë disa gjëra për tu mbajtur në mend.
- Praktikoni vizitat virtuale të ambienteve të shtëpisë
Zakonisht, shitja e një shtëpie nënkupton një dyndje blerësish potencialë të interesuar për të vizituar çdo cep të shtëpisë suaj. Në ditët e sotme, blerësit e mundshëm po përpiqen të kufizojnë vizitat e tyre nëpër prona. Si shitës, qëllimi juaj duhet të jetë që të kufizoni numrin e njerëzve që hyjnë fizikisht në hapësirën tuaj të jetesës. Kështu që përgatituni të përfitoni nga teknologjia video, në mënyrë që blerësit të shikojnë shtëpinë tuaj në internet duke ju mundësuar atyre ture të shtëpisë suaj virtualisht.
Kjo do të thotë që ju duhet të regjistroheni tek një profesionist i pasurive të patundshme i cili është i përgatitur mirë në teknologjinë virtuale dhe që të mund të realizojë në mënyrë perfektë videon prezantuese të shtëpisë suaj.
- Do të duhet të merrni masa paraprake shtesë gjatë vizitave të blerësve potencialë
Ndërsa një vizitë virtual mund të ndihmojë disa blerës të përcaktojnë nëse janë të interesuar të blejnë shtëpinë tuaj apo jo, në fund të fundit, është shumë e rrallë që dikush të nënshkruajë një kontratë për të blerë një shtëpi pa e parë atë vetë në radhë të parë. Kështu që, në një moment, do të keni të huaj që ecin nëpër hapësirën tuaj të jetesës, dhe do t’ju duhet të punoni me agjentin tuaj të pasurive të patundshme për ta realizuar atë në mënyrë të sigurt.
Për më tepër, do t’ju duhet të punoni me agjentin tuaj të pasurive të patundshme për të vendosur kufij sa i përket zonave të shtëpisë tuaj që blerësit mund të prekin ose afrohen, duke evituar kështu për shembull dhomën e fëmijëve apo zona të tjera personale dhe sigurisht duke mbajtur parasysh masat bazike të mbrojtjes.
- Do të duhet ta çmoni shtëpinë tuaj aq sa realisht vlen dhe të përgatiteni që mund të mos merrni dot më shumë
Tani për tani, shumë njerëz janë të shqetësuar për perspektivat e tyre financiare afatgjata – madje edhe ata që ende kanë punën e tyre. Si i tillë, blerësit e mundshëm mund të mos jenë aq bujarë me ofertat e tyre siç dëshironi që ata të jenë. Gjëja e fundit që ju doni të bëni është të trembni blerësit me një çmim shumë të lartë, kështu që punoni me agjentin tuaj të pasurive të patundshme për të dalë me shifrën e duhur, duke mbajtur parasysh që njerëzit mund të kenë më pak të ngjarë të zbrazin buxhetet e tyre tani. Ju gjithashtu duhet të vendosni edhe për çmimin më të ulët të shitjes që dëshironi ose jeni në gjendje të pranoni, pasi kjo do t’ju ndihmojë të lundroni në ofertat që merrni.
Mbani në mend gjithashtu se disa blerës mund të hasin vështirësi në marrjen e hipotekave në javët ose muajt e ardhshëm. Huadhënësit tashmë i kanë shtrënguar kërkesat në këtë drejtim, kështu që përgatituni të jeni të durueshëm. Shitja e një shtëpie është një përpjekje stresuese në kohën më të mirë, kështu që tani, është ekstra e ndërlikuar. Megjithatë, disa planifikime të zgjuara nga ana juaj mund ta bëjnë një proces shumë të lehtë.
CREDIT: http://www.scan-tv.com/